Ministria e Financave ka miratuar një udhëzim të posaçëm që synon të shtrëngojë edhe më shumë masat për parandalimin e pastrimit të parave dhe financimin e terrorizmit.
Sipas udhëzimit të botuar në Fletoren Zyrtare, subjektet që kryejnë transferta parash ose vlerash, ndërkufitare elektronike, kane detyrimin që të shoqërojnë me plotësimin e një sërë të dhënash për dërguesin, ku përfshihen: i. emri dhe mbiemri i tij kur është individ; ii. emërtimi, kur dërguesi është person juridik; iii. numrin e llogarisë së dërguesit kur një llogari e tillë përdoret për të përpunuar transaksionin ose, në mungesë të një llogarie, një numër unik të referencës së transaksionit që lejon gjurmueshmërinë e transaksionit; iv. adresën e dërguesit ose numrin e identitetit kombëtar, ose numrin e identifikimit të klientit ose datën dhe vendin e lindjes.
Ndërsa i njëjti informacion tashmë do të jetë detyrim edhe për përfituesin me qëllim gjurmueshmërinë e plotë të transaksionit. Udhëzimi tashmë përfshin jo vetëm bankat, por të gjitha institucionet financiare korrenspodente, që duhet të ndjekin këtë procedurë.