Barcelona ka zyrtarizuar largimin e trajnerit Quique Setien. Tekniku i spanjollëve u pushua nga puna pas humbjes 8-2 nga Bayern Munchen, por dhe për faktin se nuk arriti të mbante vendin e parë në kampion. Drejtuesit e kishin vendosur menjëherë pas disfatës me gjermanët, por tashmë gjithçka u zyrtarizua.
“Bordi drejtues ka vendosur që të largojë Quique Setienin nga klubi. Ky është vendimi i parë në rindërtimin e ekipit të parë që do të bëhet nga stafi teknik dhe trajneri i ri që do të zyrtarizohet në ditët në vazhdim”, – shkruhet në deklaratë.
❗ Quique Setién no longer first team coach.
The new coach will be announced in the coming days as part of a wide ranging restructuring of the first team.— FC Barcelona (@FCBarcelona) August 17, 2020
Spanjollët duket se kanë vendosur dhe për trajnerin e ri që do të jetë Koeman. Ky i fundit është parë në Barcelonë dhe shumë shpejt pritet zyrtarizimi i tij. Bartomeu ka premtuar një revolucion pas humbjes me Bayern dhe tani pritet të shihet se çfarë do të bëjë.
VAZHDO TË LEXOSH MË TEPËR PËR TEMËN
Turpërim dhe pa asnjë trofe, është fundi i Barçës?
