24.09.2020 - 09:18
Betimi i Aleksander Lukashenkos nuk ka asnjë legjitimitet demokratik pasi Bashkimi Europian nuk i njeh rezultatet e falsifikuara të zgjedhjeve presidenciale bjelloruse, deklaroi Përfaqësuesi i Lartë për Politikën e Jashtme të unionit, Javier Borrell në një shënim.
Borrell riafirmon mbështetjen e plotë të Bashkimit Europian për qytetarët bjellorusë, të cilët vazhdojnë të protestojnë si edhe përsëriti të drejtën e tyre për t’u përfaqësuar nga ata që zgjedhin lirshëm përmes zgjedhjeve të reja gjithëpërfshirëse, transparente dhe të besueshme.
Siç dihet, presidenti Bjellorus u betua dje dhe mori detyrën për herë të gjashtë në krye të vendit.
Ceremonia u mbajt e fshehtë deri në momentin e fundit.
