“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacientja: Cilat janë pasojat e mungesës së vitaminës B12?
Përgjigjet mjeku: Mungesa e vitaminës B12 në organizëm, është një nga më të përhapurat. Edhe pse ka zgjidhe, kjo mungesë shfaq probleme të shumta shëndetësore
Një nga problemet më të mëdha që ajo shfaq është gjendja e ankthit dhe mungesë e theksuar e energjisë.Nëse ndjeheni të irrituar më shumë sesa zakonisht dhe nuk arrini dot të përqendroheni, por nuk keni ndonjë shqetësim madhor ose ndonjë arsye shëndetësore për të pasur të tilla probleme, mirë është të bëni një kontroll për të parë nivelin e vitaminës B12 në gjak.
Më poshtë po ju sjellim një listë të disa problemeve që shkakton deficienca e kësaj vitamine:
Funksionet e trurit
Mungesa e vitaminës B12 tek të moshuarit është faktor nxitës për sklerozën dhe degjenerimin e funksioneve të trurit. Këtu përfshihet edhe skleroza e shumëfishtë dhe sëmundja e Parkinsonit.
Depresion
Nivelet e ulëta të kësaj vitamine shkaktojnë luhatje humori, depresion dhe ankth.
Ishemia dhe Sëmundjet kardiovaskulare
Mungesa e kësaj vitamine ka lidhje të fortë me isheminë. Në mungesë të vitaminës B12, nivelet e homocisteinës në gjak janë shumë të larta. Një gjë e tillë rrit rrezikun e arterosklerozës dhe sëmundjeve të tjera kardiovaskulare.
Anemia
Kur nivelet e vitaminës B12 janë të ulëta, organizmi e ka të vështirë të prodhojë rruaza të kuqe. Kësisoj, organizmi është më i predispozuar të preket nga anemia.
Si ta merrni vitaminën B12 përmes ushqimeve
Kjo vitaminë e rëndësishme gjendet në ushqime të ndryshme siç janë: peshku, mishi, shpendët, vezët, qumështi dhe nënproduktet e tij, këshillon Living.
Sardelet në veçanti janë të pasura me vitaminën B12 . 150 gr. sardele përmban 200% të dozës së rekomanduar ditore të vitaminës B12.
Trofta është një shembull tjetër i një burimi të shkëlqyer të vitaminës B12. Një sasi prej 100 gramë troftë ofron 125% të dozës së rekomanduar ditore të vitaminës B12.
Nga ana tjetër, një sasi prej 200 gramë salmon të pjekur ofron 80% të dozës së rekomanduar ditore të kësaj vitamine të rëndësishme.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
