13.09.2020 - 09:21
Një 22-vjeçar i ka dhënë fund jetës, duke prerë damarët. Ngjarja e rëndë ka ndodhur në Tiranë në zonën “Kodra e Priftit”. Sipas policisë, 22-vjeçari A.M dyshohet se ka qenë në kushte të rënda psikologjike.
“Më datë 13.09.2020, rreth orës 08:18, tek “Kodra e Priftit” në katin e dytë të banesës së tij, është gjetur nga familjarët pa shenja jete shtetasi A.M., 22 vjeç, ku dyshohet se i ndodhur në kushte të rënda psikologjike ka dëmtuar veten duke prerë damarët e duarve, e për pasojë ka ndërruar jetë ( e konfirmuar nga ekipi mjekësor)”, thotë policia.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e rrethanave të ngjarjes.
