Superliga e Kosovës vitet e fundit është kthyer në një destinacion shumë të pëlqyer për lojtarët e Kategorisë Superiore të Shqipërisë. Korrektesa financiare dhe qetësia që ofrojnë klubet e Kosovës, duket se i kanë joshur yjet e Superiores të zbarkojnë në Dardani.
Plot 12 lojtarë këtë verë deri tani kanë lënë Shqipërinë dhe kanë zbarkuar në Kosovë. Nëse këtij numri i shtojmë edhe Lilajn e Micin, të cilët kanë kaluar pjesën më të madhe të karrierës në Superiore, mund të themi se ky numër shkon në 14.
Një “bastisje” masive e klubeve dardane ndaj atyre shqiptare, me Gjilanin, Prishtinën e Ballkanin, që kanë arritur të sigurojnë shërbimet e lojtarëve më të kërkuar të skuadrave të Superiores.
Pyetja që lind në këto raste është: Pse futbollistët e Shqipërisë lënë vendin e tyre dhe luajnë në Kosovë? Po të vëmë re, janë kryesisht futbollistë me eksperiencë, që kërkojnë qetësinë financiare. E dyta, duke luajtur në Kosovë, e kanë vendin si titullar.
Afërsia me Shqipërinë bën që të binden shpejt, plus ambicia që kanë disa klube të reja në Kosovë. Ka edhe futbollistë në perëndim, në fundin e karrierës, që nuk mund të luajnë në elitën e Superiores, ndaj zgjedhin të luajnë më mirë në Kosovë.
FUTBOLLISTËT E SHQIPËRISË NË KOSOVË
Gjilani: Enea Koliçi (Skënderbeu), Arbër Çyrbja (Teuta), Besar Musolli (Kukësi)
Llapi: Eglentin Gjoni (Laçi), Arlis Shala (Luftëtari), Ardit Peposhi (Bylis).
Prishtina: Sabien Lilaj (Nez Tziona), Gledi Mici (Shkëndija Tetovë)
Ballkani: Bajram Jashanica (Skënderbeu), Nazmi Gripshi (Skënderbeu)
Feronikeli: Ilir Avdyli (Kukësi), Bedri Greca (Laçi)
Drenica: Valdo Zeqaj (Flamurtari)
Trepça ’89: Kreshnik Nebihi (Flamurtari)
VAZHDO TË LEXOSH MË TEPËR PËR TEMËN
Merr fund pritja, Muriqi vesh fanellën e Lazios
Kukësi përforcohet në prag të sfidës me Wolfsburg
