Vijon “telenovela” për mbrojtësin shqiptar Marash Kumbulla, që është ende te Verona, por thashethemet për të ardhmen e tij vazhdojnë të jehojnë. Interi e Lazio ishin përballë njëri-tjetrit për shërbimet e Kumbullës prej javësh, teksa ditët e fundit zikaltrit kanë dalë nga gara sepse i duhet të shesin përpara se të blejnë.
Kështu, fillimisht mbeti vetëm Lazio në negociata, por tashmë raportohet se një tjetër ekip prestigjoz ka hyrë në garë për djaloshin nga Malësia e Madhe. Sipas “Estadiodeportivo”, Sevilla ka nisur kontaktet e para për të ditur kushtet e Veronës për Kumbullën, nga i cili shpresojnë të nxjerrin thuajse 30 milionë euro.
Sevilla është në prag të shitjes së Diego Carlos dhe drejtori sportiv Monchi e konsideron 20-vjeçarin e kombëtares sonë si zëvendësuesin ideal të brazilianit. Ky i fundit kërkohet nga disa klube të Premier League dhe Sevilla pretendon ta shesë për një shumë më të madhe se 60 milionë euro.
Sevilla është kampionia në fuqi e Europa League, do të marrë pjesë në Champions League dhe përmbush edhe egon e Kumbullës për të luajtur në kompeticion madhor. Mbrojtësi shqiptar, pasi provoi të kishte rival Ronaldon, mund të të ketë kundërshtar tani Messin.
VAZHDO TË LEXOSH MË TEPËR PËR TEMËN
Për Kumbullën futet në “lojë” edhe Mourinho
