Pas shtatë ndeshjesh gjysmëfinale në Konferencën e Perëndimit në NBA, skuadra e Denver Nuggets është finalistja e dytë e play off-it, pas fitores 104-89 ndaj Los Angeles Clippers.
Nuggets fituan 4-3 serinë e ndeshjeve, duke arritur një rezultat surprizë. Në këtë ndeshje skuadra e Clippers zhgënjeu me liderët e saj, ku Harrell ishte shënuesi më i mirë me 20 pikë.
Ndërsa për Denver u dallua Murray me 40 pikë. Denver do të luajë në finalet e Perëndimit ndaj Los Angeles Lakers. Pra, nuk ka derbi kalifornian, ashtu sic shumë kishin parashikuar në Konferencën e Perëndimit.
Në Lindje, pasi eliminoi Milwaukee Bucks në gjysmëfinale, ekipi i Miami Heat i nis mbarë edhe finalet e play off-it. Skuadra nga Florida fitoi 117-114 ndaj Boston Celtics në finalen e parë pas kohës shtesë, në një ndeshje me shumë emocione e rivalitet.
Boston e udhëhoqi ndeshjen shumicën e kohës, madje u shkëput deri në 14 pikë, por pa mundur të fitojë. Tatum realizoi 30 pikë e 14 rebound, por që s’mjaftuan për Celtics, ndërsa për Miami u dallua Dragic me 29 pikë, mbështetur nga Crëoder me 22 pikë e Butler me 20.
KONFERENCA E LINDJES – FINALE PLAY OFF
Miami Heat – Boston Celtics 117-114 (1-0)
KONFERENCA E PERËNDIMIT – GJYSMËFINALE PLAY OFF
Los Angeles Clippers – Denver Nuggets 89-104 (3-4)
Los Angeles Lakers – Houston Rockets (4-1)
Finale: Denver Nuggets – Los Angeles Lakers
VAZHDO TË LEXOSH MË TEPËR PËR TEMËN
Nuggets përmbys Clippers, vendoset në sfidën e 7-të
