NBA vijon më surprizat e radhës në gjysmëfinale të play-off. Kur pritej kthesa e Milwaukee Bucks, është sërish Miami Heat që fiton, kësaj radhe 115-100, duke e cuar serinë e fitoreve në 3-0 dhe tashmë është një hap larg finales.
Vendimtare perioda e fundit, teksa Miami e fitoi 40-13. Një përmbysje spektakolare që askush nuk e kishte menduar. Butler ishte më i miri në parket me 30 pikë, shumë të nevojshme për fitoren e Miami, që është shumë pranë finales në Konferencën e Lindjes.
Për Bucks, Giannis Antetekounmpo u ndal në kuotën e 21 pikëve dhe 16 rebound dhe 9 asisteve. Shifra të mira, por që nuk mjaftuan dhe tashmë lideri i skuadrës është shumë larg zgjedhjes MVP i sezonit.
Në Perëndim, Houston Rockets fiton ndeshjen e parë gjysmëfinale ndaj Los Angeles Lakers me rezultatin bindës 112-97. Edhe në këtë sfidë vendimtare ishte perioda e fundit, teksa Rockets mbrojti avantazhin dhe e thelloi.
James Harden ishte më i miri më 36 pikët e shënuara. LeBron James për Lakers u ndal në kuotën e 20 pikëve. Megjithatë, kjo ishte vetëm ndeshja e parë (nga 7 në total). Edhe në cerekfinale Lakers e nisën me humbje, por më pas përmbysën 4-1.
KONFERENCA E LINDJES, – GJYSMËFINALE PLAY OFF
Milwaukee Bucks – Miami Heat 100-115 (0-3)
Boston Celtics – Toronto Raptors (2-1)
KONFERENCA E PERËNDIMIT – GJYSMËFINALE PLAY OFF
Los Angeles Clippers – Denver Nuggets (1-0)
Los Angeles Lakers – Houston Rockets 97-112 (0-1)
