Kampionët në fuqi të NBA janë mposhtur përsëri. Në Konferencën e Lindjes, Boston Celtics fitoi 102-99 ndaj Toronto Raptors, duke udhëhequr 2-0 serinë gjysmëfinale në këtë konferencë.
Një ndeshje e fortë, ku kanadezët synuan fitoren, por mungoi lojtari lider. Për Boston, u dallua Tatum me 34 pikë, duke qenë më i miri në parket. Celtics është dy fitore larg finales në Lindje.
Ndërsa Denver Nuggets ka siguruar një biletë për në gjysmëfinalet e Konferencës së Perëndimit, pas fitores 80-78 ndaj Utah Jazz në çerekfinale. Një triumf i merituar i skuadrës së Nuggets, që ishte në disavantazh 1-3 me ndeshje, por në fund përmbysi gjithçka, duke fituar 4-3.
Sfida e sotme ishte mjaft e fortë, sidomos në fundin e saj, ku të dyja ekipet dueluan për fitore. Jokic me 30 pikë e 14 rebound ishte më i miri në fushë për Denver, duke i bërë të pavlefshme 22 pikët e Mitchell për Jazz.
KONFERENCA E LINDJES, – GJYSMËFINALE PLAY OFF
Milwaukee Bucks – Miami Heat (0-1)
Boston Celtics – Toronto Raptors 102-99 (2-0)
KONFERENCA E PERËNDIMIT, – ÇEREKFINALE PLAY OFF
Los Angeles Lakers – Portland Blazers (4-1)
Los Angeles Clippers – Dallas Mavericks (4-2)
Denver Nuggets – Utah Jazz 80-78 (4-3)
Houston Rockets – Oklahoma City Thunder (3-3)
VAZHDO TË LEXOSH MË TEPËR PËR TEMËN
Bucks bien në sfidën e parë gjysmëfinale
