MENU
klinika

Perspektiva e Azisë në Zhvillim

‘Rajoni do të tkurret për të parën herë që prej vitit ’62

15.09.2020 - 20:45

Pandemia e koronavirusit do të sjellë rënien ekonomike në “Azinë në zhvillim” për të parën herë në thuajse 6 dekada për këtë vit, përpara se të rimëkëmbet vitin e ardhshëm, sipas Bankës Aziatike për Zhvillim. “Azia në zhvillim”, që grupon 45 shtete në Azinë e Paqësorit, pritet të tkurret me 0.7% këtë vit, sipas banjës, që është shifra e parë negative që prej vitit 1962. Për vitin 2021, rajoni pritet të rimëkëmbet në 6.8%, ende poshtë niveleve përpara Covid-19.

Projeksioni tregon se dëmi që ka shkaktuar pandemia është më i madh se sa pritej më parë, me thuajse 75% të ekonomive të rajonit që pritet të tkurren. Ndërkohë që pandemia qëndron rreziku më i madh ndaj perspektivës së rajonit, Banka Aziatike për Zhvillim bëri të ditur se përkeqësimi i tensioneve gjeopolitke, përfshirë luftën tregtare dhe teknologjike mes SHBA dhe Pekinit, do të pengojë gjithashtu rritjen ekonomike.

Kina, ku u shfaq virusi, ka dalë nga trendi ndërkohë që banka pret një rritje me 1.8% në vitin 2020. Ekonomia e dytë më e madhe në Botë pritet të rimëkëmbet fortë në 7.7% në vitin e ardhshëm. Ekonomia indiane pritet të tkurret me 9% këtë vit, shumë më keq se 4% rënie që pritej më parë.kine