Kombëtarja shqiptare ka zhviluar sot paradite seancën e fundit stërvitore para nisjes për në Bjellorusi. Skuadra dhe i gjithe delegacioni kanë marrë po sot edhe përgjigjet e tamponëve të kryer një ditë më parë dhe të gjithë kane rezultuar negativë.
Zyra e shtypit në FSHF bën me dije se nuk do të udhëtojnë me ekipin lojtarët Hysen Memolla, Ylber Ramadani dhe Ardian Ismajli. Memolla e Ismajli kanë ardhur të dëmtuar në grumbullim dhe pas testeve mjekësore u konkludua se nuk munden të rikuperohen.
Ndërsa Ramadani ka pësuar një dëmtim në stërvitje. Të tre këta lojtarë do të qëndrojnë në Shqipëri e do vazhdojnë terapi dhe stërvitje në mënyrë të diferencuar, në mënyrë që të mund të rikuperohen për ndeshjen e dytë kundër Lituanisë.
Ndeshja me Bjellorusinë do të luhet më 4 shtator, në orën 20:45, që përkon edhe me hapjen e edicionit të dytë të Ligës së Kombeve. Kombëtarja do të rikthehet menjëherë pas ndeshjes dhe më 7 shtator do të presë në “Air Albania” ekipin e Lituanisë.
VAZHDO TË LEXOSH MË TEPËR PËR TEMËN
Broja dhe Çekiçi: Tani shpresojmë të debutojmë!
Qazim Laçi: Ka konkurrencë, po pres debutimin
“Ne jemi një skuadër, rindërtojmë së bashku”
