Për herë të pas kaq shumë kohësh, më saktë prej më shumë se një vitit, Marash Kumbulla zbriti ditën e djeshme në fushë si titullar me kombëtaren kuqezi. 20-vjeçari bëri edhe debutimin e tij të parë në Ligën e Kombëve pikërisht ndaj Kazakistanit.
Kombëtarja nuk shkoi më shumë se një barazim pa gola, pavarësisht disa rasteve të kuqezinjve. Mbrojtësi i talentuar jep opinionin e tij në lidhje me ndeshjen e djeshme dhe shpreh lumturinë e tij për debutimin si titullar për kombëtaren e madhe.
Mbrojtësi i Romës në Serie A tregohet optimist për faktin se ekipi është ende në garë për të arritur vendin e parë në këtë Ligë Kombesh në grupin 4 të Ligës C, teksa në një postim në Instagram, shkruan:
“Një rezultat pozitiv që na mban në garë për qëllimet tona. Tani duhet të mendojmë për ndeshjen tjetër, sepse duam të bëjmë më shumë. I lumtur për debutimin tim si titullar me këto ngjyra dhe për herë të parë në fushë në UEFA Nations League”.
VAZHDO TË LEXOSH MË TEPËR PËR TEMËN
Kuqezinjtë pa gol, kompromentojnë objektivin
