30.10.2020 - 10:39
Në Shkup sot duhet të arrijnë 60 respiratorë, donacion nga NATO për ballafaqim me pandeminë Covid-19.
Donacionin e NATO-s me vlerë prej 1.4 milion eurove në Aeroportin e Shkupit do ta pranojë ministrja e Mbrojtjes, Radmilla Shekerinska, kreu i diplomacisë Bujar Osmani dhe ministri i Shëndetësisë Venko Filipçe.
Më parë, NATO i ka dhuruar edhe Shqipërisë 60 respiratorë që do të përdoren në institucionet shëndetësore në funksion të përballimit të COVID – 19.
Ndihma nga Këshillit i Atlantikut të Veriut iu dorëzua në një ceremoni të veçantë Ministrisë së Shëndetësisë nga Ministria e Mbrojtjes, në prani edhe të kryeministrit Edi Rama.
