Ka patur një surprizë në ndeshjet e mbrëmjes së sotme në Champions League. Finalisti i edicionit të kaluar, PSG, është mposhtur 2-1 nga Leipzig, një rival që u takuan në gjysmëfinale, ku parizienët fituan 3-0. Barcelona dhe Juventus bënë detyrën, po ashtu edhe Chelsea me Dortmund.
GRUPI E – Chelsea fitoi 3-0 në shtëpi me modestët e Renne. Dy herë Werner në pjesën e parë dhe Abraham në të dytën zgjidhën gjithcka për blutë e Londrës. Renne luajti me 10 lojtarë që nga 40’.
Përmbysje spektakolare e Sevilla-s ndaj rusëve të Krasnodar. Në harkun kohor të 4 minutave (17’ e 21’) miqtë rusë shënojnë dy gola. Rakitic ngushton në 1-2 në 42’, ndërsa Navas lë Sevilla-n me 10 vetë në 45’. Gjithsesi, edhe pse me 10 lojtarë, për 3 minuta (69’ e 72’) En Nesyri përmbys në 3-2.
GRUPI F – Borussia Dortmund ka marrë kreun e grupit pas fitores 3-0 në Belgjikë ndaj Club Brugge. Thorgan Hazard shënoi që në 8’, ndërsa Haaland lë sërish gjurmë me dy gola në 18’ dhe 32’.
Norvegjezi ngjitet në kuotën e 4 golave, aq sa Morata, Jota dhe Rashford. Vendimtare në këtë grup për kreun do të jetë përballja Dortmund-Lazio, pasi italianët kanë dy sfida brenda.
GRUPI G – Barcelona mposhti 2-1 Dinamo Kiev, që kishte udhëtuar në Spanjë me vetëm 13 lojtarë për shkak të infektuarve me Covid-19. Messi gjeti golin e parë me penallti në 5’, ndërsa Pique në 65’ dyfishoi shifrat. Goli i miqve në 75’ mbajti në tension katalanasit, që gjithsesi morën fitoren e tretë në 3 ndeshje.
Juventus e zgjedh me lehtësi në Hungari ndaj Ferencvaros, duke fituar 4-1. Dy herë Morata dhe dy herë Dybala, kompletuan pokerin bardhezi. Ronaldo dhe asistin e golit të dytë. Uzuni futet në fushë në 80’, duke realizuar ëndrrën e tij. Në 90’ vendasit shënojnë golin e nderit.
GRUPI H – Dy surprizat e sotme duket se ishin rezervuar në këtë grup. Pas humbjes së Manchester United në Turqi, edhe PSG bie në Gjermani, përballë Leipzig, që përmbys 2-1 shifrat dhe hyn në lojë për kualifikim.
Di Maria kaloi shpesht PSG-në në avantazh, që në 6’, pastaj humb penallti. Leipzig merr zemër dhe në 42’ Nkunku barazon shifrat. Forsberg në 56’ kalon gjermanët në avantazh, ndërsa në 69’ PSG mbetet me 10 vetë. Leipzig mbrojti fitoren.
VAZHDO TË LEXOSH MË TEPËR PËR TEMËN
United bie në Turqi, Lazio merr 1 pikë në Rusi
Real fundos Inter, “tenis” i Bayern, Liverpool me “5 yje”
