Një përplasje politike midis Presidentit turk Rexhep Tajip Erdogan dhe homologut të tij francez Emmanuel Macron po tregon edhe një herë një përçarje në rritje midis Turqisë dhe Evropës, tha të dielën Mohammed Ayoob, një anëtar i vjetër në Qendrën për Politikën Globale në Washington D.C.
“Të dy udhëheqësit kanë probolemet e tyre të brendshme, por shkëmbimi i tyre i ashpër, megjithëse nuk ishte shkaku kryesor i përçarjes në rritje midis Turqisë dhe vendeve të mëdha evropiane, demonstroi shkallën në të cilën marrëdhëniet Turqi-Evropiane janë dëmtuar,” tha Ayoob.
Macron dhe Erdogan kanë shkëmbyer kritika politike mbi fjalën e lirë dhe një plan francez për të luftuar ekstremizmin islamik pas vrasjes së një mësuesi francez muajin e kaluar i cili kishte dhënë mësim pë lirinë e shprehjes gjatë së cilës ai përdori karikaturat e diskutueshme të Profetit Islam Muhamed nga gazeta satirike Charlie Hebdo.
Ekziston një kontekst më i madh gjeopolitik në rritjen e tensioneve midis dy vendeve ndërsa Turqia kërkon të zgjerojë ndikimin e saj në ish-territoret osmane dhe Franca udhëheq përpjekjet e Evropës për t’iu kundërvënë asaj, tha Ayoob.
Bashkimi Evropian ka ushtruar ndikimin e vet tek Greqia dhe Qipro në një mosmarrëveshje me Turqinë mbi kufijtë detarë dhe të drejtat e shpimit në Mesdheun lindor, me Francën që i jep mbështetje veçanërisht të fortë politike Greqisë.
Macron ka kritikuar gjithashtu mbështetjen ushtarake turke për qeverinë e njohur nga Kombet e Bashkuara në Tripoli kundër forcave të opozitës libiane të mbështetur nga Rusia dhe Egjipti, duke akuzuar Erdogan për shkeljen e një embargoje ndërkombëtare të armëve.
“Qëndrimi i BE-së ndaj Mesdheut Lindor ringjall kujtimet turke të politikës së fuqive evropiane jo vetëm të ndarjes së pjesëve jo-turke të Perandorisë Osmane mes tyre në fund të Luftës së Parë Botërore, por gjithashtu duke ringjallur vetë atdheun turk,” Tha Ayoob.
VAZHDO TË LEXOSH MË TEPËR PËR TEMËN
Erdogan tërbohet me presidentin francez
Për Erdogan dhe Macron, konflikti mes tyre është “lufta e ëndrrave”!
Franca dënon ashpër komentet e Erdogan ndaj Macron
