25.11.2020 - 11:30
Një makinë ka përplasur portën hyrëse të zyrës së kancelares gjermane Angela Merkel mëngjesin e sotëm. Nuk ka raportime për viktima.
“Ruters” ka publikuar pamje nga skena ku shfaqen oficerë policie dhe një makinë mbi të cilën shkruhet: “Stop politikave globaliste”.
Gjithashtu në anën tjetër të makinës shkruhet: “Ju vrasës të mallkuar të fëmijëve dhe të moshuarve”.
Dhjetëra policë dhe një makinë zjarrfikëse ishin në skenën e ngjarjes.
Merkel ishte planifikuar të priste një video-konferencë me kryeministrat e shteteve ku do të diskutohej lidhur me ndaljen e shtrirjes së mëtejshëm të koronaviursit dhe lufta ndaj pandemisë.
Evropa është në gjendje të lartë alarmi pas sulmeve ekstremiste në Paris, Nisë dhe Vjenë gjatë javëve të fundit.