Joe Biden është pranë konfirmimit të fitores në zgjedhjet presidenciale në SHBA.
CNN ka raportuar se hapësira ajrore mbi shtëpinë e Joe Bidenit në Wilmington po caktohet si hapësirë ajrore e mbrojtjes kombëtare, që do të thotë se zyrtarët po përgatiten për kalimin e pushtetit.
Gjithashtu është vendosur skena për një fjalim të mundshëm të fitores së Biden, nëse ai përfundimisht fiton zgjedhjet presidenciale. Njoftimi erdhi pasi Biden përmbysi epërsinë e Donald Trump në Pensilvani, shtet që mund ta përcaktojë Presidentin e ri në SHBA, pasi sjell 20 vota elektorale.
Nëse Bideni fiton në Pensilvani, ku deri më tani janë numëruar 95 për qind e votave, ai siguron më shumë se 270 vota të Kolegjit Zgjedhor, që është pragu i nevojshëm për fitimin e zgjedhjeve në nivel kombëtar.
Pas zhvillimeve të fundit, duket se Biden është pranë konfirmimit të fitores në zgjedhjet presidenciale në SHBA.
VAZHDO TË LEXOSH MË TEPËR PËR TEMËN
