Chelsea ka lënë pas startin jo të mirë dhe ka marrë një fitore të rëndësishme në Premier League, pasi ka mundur 4-1 Sheffield United në shtëpi dhe tashmë Blutë e Londrës janë vetëm 1 pikë larg kreut.
Ndeshja e javës së tetë të kampionatit anglez nuk ka nisur mirë për londienzët, që kanë pësuar gol pas vetëm 9 minutash, me McGoldrick që ka shënuar me një goditje me thembër. Reagimi i Bluve ka qenë pothuajse i menjëhershëm, me Abraham dhe Chiwell që kanë përmbysur rezultatin me golat e shënuar respektivisht në minutën e 23-të dhe 34-t.
Pokeri është kompletuar në fundin e pjesës së dytë me golat e shënuar nga Thiago Silva dhe werner në minutën e 77-të dhe 80-të. Braziliani ka realizuar golin e tij të parë në Premier League në moshën 36 vjeç.
Kjo fitore e ka ndihmuar Chelsea-n të ngjitet në vendin e tretë të renditjes dhe të shkojë vetëm një pikë larg kreut. Sheffield, nga ana tjetër, mbetet në vendin e fundit me 1 pikë.
