Gjetja e vaksinës kundër koronavirusit, ka qenë lajmi që dominonte mediet botërore një ditë më parë, dhe natyrisht, më i shumëprituri.
Por, nga ana tjetër rrjeti zien nga një pyetje: Si ka mundësi që vaksina u gjet menjëherë sapo Donald Trump humbi zgjedhjet në SHBA?
Ka shumë teori konspirative, dhe këto shtohen edhe më shumë nga reagimet e familjes Trump.
Djali i Donald Trump, Don Jr, tha se koha kur u bë shpallja për vaksinën është e qëllimtë.
Ai thotë se kompanitë farmaceutike e urrenin babanë e tij, pasi ai i detyroi që të ulin çmimet e ilaçeve.
Vetë Donald Trump në një reagim në rrjetet sociale, tha se Administrata për Ushqimet dhe Barnat (AUB) nuk donte që t’i jepte atij një fitore politike me vaksinën, duke e shpallur lajmin përpara zgjedhjeve.
“AUB dhe demokratët nuk donin që të më jepnin një fitore me vaksinën, përpara zgjedhjeve, kështu që lajmi doli pesë ditë më vonë. Siç e kam thënë,” shkruan Trump.
Ndërkohë Administrata për Ushqimet dhe Barnat ka miratuar edhe përdorimin e ilaçit eksperimental të antitrupave, që u vlerësua nga Trump kur ai ishte i sëmurë.
Në atë kohë, edhe pse ilaçi ndikoi pozitivisht në shërimin e Trump, Administrata për Ushqimet dhe Barnat tha se nuk e rekomandonte këtë ilaç për të infektuarit me Covid./Tema
VAZHDO TË LEXOSH MË TEPËR PËR TEMËN
