Prej kohësh, Nora Istrefi dhe Robert Berisha s’janë më bashkë, por janë ndër të pakëtat çifte të ndara në paqe dhe marrëdhënia e tyre është për t’u pasur zili! Ata takohen shpesh bashkë për shkak të vajzës, Renee, shkojnë me udhëtime bashkë, hanë dreka e darka e janë shokët më të mirë të njëri-tjetrit.
Madje, ata janë mbështetja më e madhe e njëri-tjetrit dhe këtë e dëshmojnë herë pas here. Roberti është i pari që publikon projektet e reja të Norës, duke i dhënë asaj mbështetjen e tij maksimale, ndërsa diçka të tillë e ka bërë edhe Nora pak kohë më parë.
Duke qenë se ish-partneri i saj ka nisur një emision të ri të titulluar “Robi plaket kur don vet”, këngëtarja e ka shpërndarë njoftimin në llogarinë e saj në Instagram.
Emisioni i Robertit transmetohet të dielën, në orën 23:15 në “Klan Kosova” dhe deri tani janë transmetuar dy puntata. Roberti ka qenë i ftuar ditën e sotme në emisionin radiofonik “Live from Tirana”, ku ka folur rreth këtij projekti.
Këngëtari ka treguar se së shpejti do jetë në emision Nora dhe ne mezi po presim ta shohim atë episod sepse me siguri do jetë diçka shumë e veçantë, sidomos duke i shtuar faktin se intervistat e Norës numërohen me gishtat e dorës.
Patjetër që do jetë në emisionin tim. Ajo nuk i ka qejf shumë intervistat dhe këto…dhe përton dhe me fol. Ka prit të shoh një herë emisionin nga ekrani dhe shpresoj të vijë shumë shpejt.
Sakaq, Roberti tregoi se është single për momentin pavarësisht zërave, duke thënë se gocat presin dhe se për momentin është fokusuar te puna.
Ndërsa, lidhur me Rene, ai tregoi se është shumë i përkushtuar dhe i dedikon gjithë ditën asaj.
