U mbyllën katër ndeshjet e para të Superiores të javës së dytë dhe dhuruan disa rezultate shumë interesante. Tirana humbi ndaj Teutës me rezultatin 0-1, Partizani mposhti Kukësin, Laçi barazoi ndaj Kastriotit, ndërsa Apolonia mori pikën e parë ndaj Bylisit.
Teuta fitoi në Pogradec ndaj Tiranës me rezultatin 0-1. Ekipi durrsak gjeti golin me anë të Lorenco Vilës me kokë në pjesën e parë. Lojtari fitoi duelin me kokë ndaj mbrojtësve dhe përshëndeti rrjetën. Rezultat që nuk ndryshoi deri në fund të ndeshjes.
Partizani mposhti me rezultatin 2-0 Kukësin. Të kuqtë arritën të merrnin 3 pikë shumë të rëndësishme, ndërsa verilindorët janë në kolaps total. Cordeiro dërgoi topin në rrjetë, ndërsa goli i dytë u shënua në pjesën e dytë për 2-0.
Laçi u befasua në shtëpi nga Kastrioti në 1-1. Vendasit shënuan të parët me Mustën, ndërsa Plaku barazoi rezultatin në minutën e 90’+4′. Një barazim që tërbon kurbinasit.
Apolonia i mori një pikë Bylisit në 2-2. Dy golat e parë u realizuan nga fierakët, ndërsa ballshiotët arritën të barazonin rezultatin. Dovedan bëri 3 zëvendësime në pjesë të parë.
