Nuk të ndodh shpesh që të vihesh përballë një futbollisti si Lionel Messi dhe aq më shumë ta takosh atë. E nga ky fat duket se ka përfituar në maksimum trajneri i Dinamos së Kievit, Mirceau Lucescu.
Edhe pse u mposht, madje me Messin që shënoi golin e avantazhit, Lucescu nuk e fshehu vlerësimin për “pleshtin” argjentinas, teksa në fund të takimit i ka kërkuar edhe fanellën.
Takimi emocionues është kapur nga kamerat, me Lucescu që i ngjitet në shpinë Messit për t’i marrë fanellën. Argjentinasi sqarohet, duke i thënë se do t’ia dërgojë te dhoma e zhveshjes, sepse këtu nuk e lejon protokolli anti-Covid.
Ende nuk dihet nëse Messi e mbajti fjalën, por gjasat janë në trend pozitiv, pasi duke parë këmbënguljen e Lucescu nuk përjashtohet mundësia që rumuni ta ketë marrë edhe pa dëshirën e argjentinasit.
VAZHDO TË LEXOSH MË TEPËR PËR TEMËN
