30.12.2020 - 12:54
Kryeministri Edi Rama ka njoftuar se Shqipëria i ka ardhur në ndihmë Kroacisë pas tërmetit shkatërrimtar që goditi dje Petrinjan.
Me anë të një postimi në ‘twitter’ Rama shkruan se ka nënshkruar dekretin për t’i dhuruar 250 mijë euro Kroacisë.
“Sapo nënshkrova dekretin e Qeverisë së Shqipërisë për t’i dhuruar 250 mijë euro Kroacisë vëllazërore për të ndihmuar në rilindjen e Petrinja, pas tërmetit shkatërrues. Kroacia është një shembull i rezistencës dhe një model për ne në transformimin e saj të mahnitshëm në një vend krenar të BE-së”, shkruan Rama.