Ka vetëm një gjë që mund t’i bëjë banorët në Rio de Zhaneiro, ta harrojnë makthin e pandemisë, që i ka kushtuar vendit rreth 190 mijë viktima dhe numrin e tretë, më të lartë në botë, për sa i përket infektimeve. Kjo, është rifillimi i sezonit veror.
Plazhet mitike, Kopakabana dhe Ipanema, u mbushën me pushues vendas, por edhe të huaj, teksa fotografitë dëshmojnë qartë, se rregullat e distancimit social nuk respektohen siç duhet.
Edhe pse zyrtarisht, brazilianët duhet të mbajnë maska kudo, në ambientet publike, duket se qeveritarët në Bolsonaros e kanë bërë një sy qorr e një vesh shurdh, duke i lejuar turistët të shijojnë të qetë rrezet e diellit dhe detin e ngrohtë.
Një paradoks ky, kur ditën e djeshme vendi përjetoi shifra rekord infektimesh, me më shumë se 50 mijë raste dhe 706 viktima.
VAZHDO TË LEXOSH MË TEPËR PËR TEMËN
‘Mikrobi është kthyer në Evropë…’
