Një kompani ndërtimi kineze e quajtur “China Boom” ka marrë me qira për 99 vite ishullin Kesëick në Australi, që i përket shtetit të Queensland.
Ishulli është pothuajse i paprekur, me ujërat e kaltra dhe balenat që shpeshherë shfaqen edhe në breg, duke e bërë një destinacion shumë të preferuar për turistët.
Por banorët e këtij ishulli, të cilët nuk janë më shumë se 100 persona, kanë protestuar për mënyrën se si kjo kopmani po i detyron të shesin shtëpitë e tyre.
Ata thonë se momentalisht asnjë turist nuk mund të futet në ishull pasi kompania e ndërtimit e ka bllokuar, ndërsa shtojnë se po u bëhet presion që të largohen nga banesat e tyre.
“Është e qartë që nuk na duan këtu, duan ta destinojnë ishullin vetëm për turizmin kinez”, denoncon një nga banorët.
