MENU
klinika

“Policia demonstroi forcë sot”

Nazarko: Palët e përdorën këtë treditësh për të njohur më mirë njëra-tjetrën

11.12.2020 - 20:14

Analisti Mentor Nazarko, i ftuar në rubrikën “Opinion” në “News 24” deklaroi se gjatë protestës së sotme për vrasjen e Klodian Rashës, policia demonstroi më shumë forcë.

Nazarko theksoi se policia gjatë ditës së sotme, sa duket isihte e vendosur që të mbyllte demonstratën.

Më tej, Nazarko vlerësoi se palët politike kanë përdorur këtë 3-ditësh për të njohur më mirë njëra-tjetrën.

“Palët e kanë përdorur këtë periudhë 3 ditore për të njohur njëra-tjetrën. Policia demonstroi forcë sot. Kjo sepse ditën e parë protestuesit ishin në disa vende, por ditën e dytë dhe të tretë policia u vendos për të izoluar këtë protestë.

Ka përpjekje për të dekurajuar protestën. Nuk u bë protestë madhore. Ishte protestë e të rinjve. Policia donte që të mos zgjerohej protesta më tej. Ndërkombëtarët kërkuan që gjendja të qetësohej. Opozita duhet duartrokitur për të mos politizuar protestën”, tha Nazarko.

Po ashtu, Nazarko u shpreh se protestat e zhvilluara reflektojnë edhe një “sëmundje” të gjatë socio-politike.

“Kjo që po ndodh ngjan me protestën e jelek verdhëve. Edhe ata nuk kishin prijës, por edhe ajo demonstratë nuk kishte një finale.

Rama duhet të adresojë problemet. Protesta reflekton “sëmundje” të gjatë. Kjo është sëmundje social-politike. Ngelet gjithsesi një polici e lodhur në të gjitha aspektet”, vlerësoi Nazarko.

“Si do të bëhet qarkullimi i automjeteve në fundjavë“

Plan masash për “Maratonën e Tiranës”

“Vota mund të bëhet e pavlefshme“

Votimi i emigrantëve në pikëpyetje? KQZ ngre alarmin!

“Këta s’kanë popull që t’i ndjekë dhe përdorin trupin“

Tensionet në Kuvend, Artan Fuga: Nëse përdor trupin, nuk je më deputet!

Përplasjet në Kuvend/ “Ku janë ambasadorët?”

Gjekmarkaj: FNSH u fut si në shtetet që sundohen nga juntat!