Instituti i Shëndetit Publik parashikon rritje ta rasteve të reja me koronavirus në muajin janar, kjo e konfirmuar edhe nga nëndrejtori i ISHP-së Dritan Ulqinaku.
Ai është shprehur në një intervistë për Tv Klan se qytetarët duhet të sensibilizohen që të mos ketë grumbullime për festat e fundvitit, në mënyrë që të parandalohet përhapja e infeksionit.
Shpresojmë shumë që festat e fundvitit të mos ndryshojnë shumë parashikimet e bëra. Presim një lloj rritje të lehtë, ndoshta në fillim të Janarit, por nuk presim një boom rastesh. Padiskutim që ne bëjmë gjithë sensibilizim për mosgrumbullime, mosfestime, por që realiteti shpeshherë tregon ndryshe”, tha Ulqinaku.
Për sa i përket variantit të ri të koronavirusit, mjeku u shpreh se ky variacion nuk mund të kapet nga laboratorët e ISHP-së, ndaj disa nga mostrat e COVID dërgohen në Angli për analiza.
“Ne një sasi të caktuara të mostrave të Covid që rezultojnë pozitiv këtu i transportojmë për Angli sepse aty bëhen analizimet e duhura. Nuk kemi arsye që ne të kemi një laborator të sigurisë apo sigurisë së 4 që kërkohet në këtë rast”, u shpreh Dritan Ulqinaku.
