MENU
klinika

Çfarë i shton më tepër?

5 Mite rreth akneve dhe disa këshilla për parandalimin e tyre

24.01.2021 - 13:41

Ka shumë mite që përfshijnë kujdesin e lëkurës dhe puçrrat. Këtu janë pesë mite që mund të keni dëgjuar:

Miti 1: Ngrënia e çokollatës shkakton puçrra

Dieta është vetëm një pjesë e vogël e “panoramës”. Kërkimet janë të përziera nëse disa ushqime mund të shkaktojnë puçrra. Ekzistojnë disa prova se produktet e qumështit dhe karbohidratet me të vërtetë mund të ndikojnë në lëkurë. Nevojiten më shumë kërkime në këtë fushë. Në ndërkohë, mbani një ditar të ushqimit për të parë nëse disa ushqime mund t’ju përkeqësojnë aknet.

Miti 2: Larja e fytyrës shpesh do të ndalojë shpërthimin e pucrrave

Larja e shpeshtë mund të irritojë lëkurën . Në fakt, shumë larje dhe pastrim i fytyrës mund të çojë në më shumë puçrra. Është më mirë të lani fytyrën vetëm dy herë në ditë me një sapun të butë. Kur të keni mbaruar, fshini lëkurën me një peshqir të pastër dhe shumë të butë.

Miti 3: Ju mund të heqni qafe puçrrat duke i shtypur ato

Shtrydhja  mund t’i bëjë ato më pak të dukshme në këtë moment, por kjo mund t’i bëjë pucrrat të rrinë shumë më gjatë. Kur shtypni një puçërr, ju ftoni  bakteret në lëkurë. Bakteret mund të përkeqësojnë skuqjen dhe ënjtjen ose madje të çojnë në mbresë me kalimin e kohës.

Miti 4: Grimi i përkeqëson pucrrat

Jo domosdoshmërisht. Nëse dëshironi të vendosni make-up, vazhdoni  përpara. Thjesht zgjidhni produkte jo aknegjenike ose jokomedogjene që nuk do t’i bllokojnë poret ose irritojnë lëkurën. Sigurohuni që gjithashtu të pastroni ose zëvendësoni rregullisht furçat që aplikoni.

Disa përbërje madje mund të ndihmojnë lëkurën . Kërkoni marka që përmbajnë peroksid benzoil ose acid salicilik. Këta përbërës luftojnë shpërthimet e pucrrave.

Miti 5: Marrja e rrezeve mund të pastrojë aknet

Banjoja  e diellit mund të përmirësojë përkohësisht fytyrën. Por me kalimin e kohës , rrezet e diellit mund ta lënë lëkurën të thatë dhe të irrituar, duke çuar në akoma më shumë puçrra. Ekspozimi në diell gjithashtu mund të çojë në plakje të parakohshme dhe madje edhe në kancer të lëkurës. Përdorni një krem kundër diellit jokomedogjenik ose jo aknegjen që është të paktën me SPF 15 përpara se të dilni jashtë.

Këshilla për parandalimin

Kujdesi për lëkurën dhe larja rregullisht mund të ndihmojë në uljen e shanseve që pikat e zeza ose pucrrat të bëhen një problem i madh i lëkurës.

Ndiqni këto këshilla për të parandaluar shpërthimet:

Mbani fytyrën të pastër duke e larë dy herë në ditë me një sapun të butë.

Provoni të përdorni produkte  që përmbajnë peroksid benzoyli ose acid salicilik për të tharë vajin e tepërt.

Zgjidhni përbërje pa vaj që nuk do t’i bllokojnë poret.

Gjithmonë lani fytyrën para se të shkoni në shtrat.

Shmangni prekjen e fytyrës.

Mos i prekni apo shtypni puçrrat.

Përdorni xhel dhe spraj me bazë uji për flokët . Më mirë akoma, mbani flokët larg fytyrës, në mënyrë që produktet të mos bllokojnë poret.

Nëse këto masa jetese nuk ndihmojnë për të pastruar lëkurën ose jeni duke përjetuar akne të forta, mund të jetë koha të vizitoni mjekun ose një dermatolog. Një dermatolog është një mjek i specializuar në shëndetin e lëkurës. Ata mund të përshkruajnë ilaçe orale ose lokale për t’ju ndihmuar në pastrimin dhe shërimin e lëkurës. Ato gjithashtu mund t’ju ndihmojnë të gjeni një rutinë ditore të përshtatur për llojin tuaj të lëkurës.

VAZHDO TË LEXOSH MË TEPËR PËR TEMËN