Joe Biden u zgjodh presidenti i 46-të i Shteteve të Bashkuara të Amerikës, duke mposhtur kështu Donald Trump.
Përveç humbjes së zgjedhjeve, dukej se Trump po humbte edhe në jetën private.
Mediat e huaja kanë bërë të ditur se bashkëshortja e tij Melania është gati për divorcin.
50-vjeçarja është duke bërë gati stafin juridik për të nisur procedurat dhe mësohet se ajo do të kërkojë që djali i tyre 14-vjeçar të marrë një pjesë të barabartë të pasurisë së Trump.
Melania dhe Trump kanë pasur prej kohësh probleme në martesën e tyre, mirëpo e vetmja arsye që ajo nuk kishte kërkuar divorcin ishte në mënyrë që të mos ndikonte negativisht gjatë zgjedhjeve për president.
Por, duket se asgjë nuk është e vërtetë, pasi mikesha e Melania-s ka treguar të kundërtën.
“Isha në makinë me të dhe po vinim nga New York-u. Donald ishte në një ndeshje, e telefonoi dhe e pyeti për diçka. Ajo është telefonata e parë e tij. Ai do aprovimin e saj për çdo gjë. Melania i tregon atij si duhet të jetë, por nga ana tjetër edhe e vlerëson për punën që bën. Kam vënë re se ata shihen me njëri-tjetrin me pasion. Ndryshe nga sa thuhet në media, ata kanë një marrëdhënie shumë të afërt me njëri-tjetrin. Diskutojnë hapur për çdo gjë. Unë nuk i kam dëgjuar një herë të zihen”-tregoi Stephanie Winston në “Hollywood Life Podcast”
Gjithashtu, e pyetur për rastet kur Melania është parë në publik duke refuzuar të kapë për dore partnerin, Winson theksoi se “Ata kanë një qëllim për çdo gjë që bëjnë”.
Epo, paskan qenë të gjitha të planifikuara!
