Ndërsa Presidenti i SHBA-së, Donald Trump nxiti qëllimisht dhe drejtpërdrejt sulmin e fundit në Kapitol, ai nuk mban asnjë përgjegjësi të vetme. Të gjithë mbështetësit e tij janë fajtorë, përfshirë bankierët dhe politikanët që kanë arritur të qëndrojnë në hije pa u prekur nga asnjë sanksion.
Që nga 6 janari, kur një turmë mbështetësish të Donald Trump mësynë Kapitolin e SHBA, dhjetëra protestues janë akuzuar për krime.
Trump, i cili nxiti kryengritjen, tani është bllokuar nga të gjitha platformat kryesore të mediave sociale dhe përballet me mundësinë e një gjyqi tjetër për fajësimin, ndërsa shumë senatorë dhe përfaqësues republikanë janë përballur me kritika të ashpra për mbështetjen e pretendimeve të rreme të Trump për mashtrim të gjerë të votuesve.
Shumë prej të përfshirëve megjithatë, po dalin pa asnjë përgjegjësi. Nuk është sekret, për shembull, që Fox News, që cilësohet edhe si media që përherë ka përkrahur Trump, ndihmoi në krijimin e skenarit për kryengritjen e Kapitolit.
Që nga themelimi i saj në vitet 1990, retorika e saj përçarëse dhe manipulimi fitimprurës i fakteve (ose fakteve alternative) kanë shtrembëruar diskursin politik amerikan dhe thelluar polarizimin. Dhe, që kur Trump doli në skenën politike, ai ka amplifikuar me gëzim dhe ka nxitur veprim me gënjeshtrat e tij.
Ndërsa Fox News e sfidoi Trump duke pranuar fitoren e Joe Biden në zgjedhjet e Nëntorit të kaluar, ai mbetet i përkushtuar për të mbështetur dhe zgjeruar botën e fantazisë në të cilën jetojnë protestuesit e Kapitolit. Në të vërtetë, ata që janë vazhdimisht të pranishëm në rrjetet sociale, kontribuesit dhe të ftuarit e kanë kaluar javën e fundit duke mbrojtur dhunën dhe duke promovuar teori të pabaza komploti.
Murdoch, djali i tij Lachlan dhe gazteratët e Fox News, Sean Hannity dhe Tucker Carlson janë të njohur për pabesinë e tyre.
Kjo përfshin, udhëheqësit me ndikim të institucioneve kryesore financiare amerikane duke përfshirë BlackRock, Morgan Stanley, T. Roue Price, Grupin Vanguard, John Hancock dhe Invesco që janë aksionerët kryesorë në Fox News dhe kompaninë e saj mëmë, Fox Corp.
Merrni parasysh Bill Stromberg, CEO i T. Roue Price, i cili zotëron mbi 16% të News Corp dhe pothuajse 7% të Fox Corp. Ndërsa firma e tij dhe ai përfitojnë shumë nga gënjeshtrat që bëjnë këto organizata, Stromberg e prezanton veten si një anëtar i pafaj përballë shikuesit.
Por ndërsa Stromberg paraqitet si një qytetar i mirë dhe një katolik i mirë, ai padyshim që ka pak interes për mësimet e Biblës.
Pastaj është Mortimer J. “Tim” Buckley, president dhe CEO i Vanguard, i cili zotëron rreth 13% të News Corp dhe mbi 7% të Fox Corp. Ashtu si Stromberg, Buckley ka mbajtur pjesën e tij të pozicioneve të bordit që rrisin reputacionin. Dhe vetë Vanguard është e dashur për shumë pensionistë amerikanë, të cilët kanë përfituar nga strategjitë e investimeve të iniciuara nga themeluesi i saj, John C. Bogle.
Bordi i News Corp përmban akoma më shumë përfitues hipokritë të konspiracionit. Si kryeministër i Spanjës nga 1996 në 2004, José María Aznar u përball me sulme të tmerrshme terroriste, përfshirë bombardimin e trenit në Madrid, i cili vrau gati 200 njerëz. Megjithatë Aznar duket se nuk shqetësohet nga 15 vitet e tij në bordin e një kompanie që ka destabilizuar me gëzim demokracinë amerikane, duke përfshirë edhe nxitjen e dhunës me banda.
Bordi i News Corp përfshin gjithashtu Kelly Ayotte, një ish-senatore republikane. Duke pasur parasysh rolin e saj të mëparshëm si prokurore e përgjithshme e Neu Hampshire, mund të pritet që Ayotte të ketë sadopak respekt për sundimin e ligjit. Mjerisht ajo, nuk bërë asgjë për të frenuar “zjarrvënësit politikë”.
E njëjta gjë vlen edhe për anëtarët e bordit të Fox Corp. Dikush pyet veten se si Paul Ryan, ish-kryetari i Dhomës së Përfaqësuesve të SH.B.A.-së, justifikon bashkëpunimin e tij në trajtimin e ndërmarrjes ndaj senatorit Mitt Romney, i cili zgjodhi Ryan si shokun e tij të kandidimit në zgjedhjet presidenciale të vitit 2012. Romney është një nga pak republikanët e moshuar që ka dënuar haptazi dhe vazhdimisht sulmet e Trump ndaj demokracisë gjatë katër viteve të fundit.
E vërtetë, Ryan kohët e fundit shpërtheu në përpjekjet e Republikanëve të Kongresit për të sfiduar votën e Kolegjit Zgjedhor dhe për të mbjellë dyshime për fitoren elektorale të Presidentit të zgjedhur Joe Biden, veprime që ai thotë se janë “goditje në themel të Republikës sonë”. Por pak kanë bërë kaq shumë për të gërryerur ato themele sesa Fox News.
Dhe gjithçka ka të bëjë me fitimin. As bankat, as anëtarët e bordit nuk kanë ndonjë motiv bindës që justifikojnë mbështetjen e tyre për News Corp dhe Fox News. Ata janë thjesht lakmitarë.
As roli i tyre pasiv nuk i heq ata nga përgjegjësia për sulmet ndaj demokracisë amerikane të ndërmarra nga kompanitë të cilave u shërbejnë. Siç e njohu ligji romak, Qui tacet consentire videtur (heshtja do të thotë pëlqim).
Trump me qëllim dhe drejtpërdrejt nxiti kryengritjen e 6 janarit. Por ai nuk mban përgjegjësi për këtë gjë. Të gjithë ata që e ndihmojnë, janë fajtorë. Mbështetësit e fshehur të Fox Corp, veçanërisht ata që kanë shpallur devotshmërinë e tyre, tani duhet të pyesin veten: Çfarë përfitimi ka njeriu të fitojë të gjithë botën dhe të humbasë shpirtin e tij?
Përkthyer dhe përshtatur nga Project Syndicate/ F.H, Konica.al
VAZHDO TË LEXOSH MË TEPËR PËR TEMËN
