Zinedine Zidane rrezikon më shumë se kurrë shkarkimin nga Real Madrid. Pas eliminimit nga Kupa e Mbretit dhe humbjes së sotme 1-2 me Levanten në shtëpi, Los Blancos rrezikojnë edhe vendin e dytë në La Liga.
Ekipi kampion ka gjetur golin në ndeshjen me anë të Asensios në 13’. Mesfushori Toni Kroos ka dhënë një asist fantastik, ndërsa Asensio nuk gaboi para portierit. Madrilenët luajtën me një lojtar më pak që prej minutës së 9′, pasi Militao gaboi dhe la ekipin në baltë pas kartonit të kuq.
Ekipi mik ka barazuar rezultatet në minutën e 32′ me anë të Morales për 1-1. Një supergol nga lojtari mik që gjuan mjaft bukur për të mposhtur Courtois. Me këtë rezultat mbyllet pjesa e parë.
Levante ka shënuar golin e dytë në pjesën e dytë. Roger arriti të dërgonte topin në rrjetë, pasi humbi penalltinë. Sulmuesi realizoi në minutën e 78′ duke shkundur rrjetën e Courtois. Mbrojtja i lejoi shumë hapësira dhe sulmuesi nuk gaboi. Real në pjesën e mbetur të ndeshjes nuk arrin të paktën të barazojë.
