William Walker pak kohë më parë, kishte komentuar deklaratat e presidentit serb Aleksandër Vuçiç, kur ky i fundit kishte thënë se ai [Walker], nuk punoi për CIA-n dhe nuk ishte pjesë e një komploti ndërkombëtar kundër Serbisë. Ai tha, se Vuçiç flet të pavërteta lidhur me masakrën e Reçakut dhe se Kosova, kurrë më nuk do të jetë pjesë e Serbisë, sjell Kultplus në 21-vjetorin e masakrës.
Walker, në një intervistë për BBC, në serbisht, kishte deklaruar se presidenti serb, Aleksandër Vuçiç ende e përmend atë me informacion të pasaktë, gjë të cilën, Vuçiç e di se nuk është e vërtetë, “sepse ai e di, se çfarë ka ndodhur në Kosovë dhe Reçak”, duke shtuar se, kjo e irriton atë.
Ai e kujtonte presidentin serb, Aleksandër Vuçiç, si ministër të Informacionit nga Partia Radikale Serbe, Vojislav Sheshelit, në regjimin e Slobodan Milosheviçit.
“Kanë kaluar njëzet vjet dhe mund të falim e të harrojmë gjërat e pasakta, që ata thanë për mua – Unë nuk kam punuar për CIA-n, nuk kam qenë pjesë e një komploti ndërkombëtar kundër Serbisë.
“Është hipokrite, që dikush nga regjimi i Milosheviçit, të përmendë gjenocidin dhe spastrimin etnik, duke aluduar se shqiptarët e Kosovës, mund të përsërisin 17 marsin [2004], veçanërisht, kur nuk ka fakte pas pretendimit dhe në të njëjtën kohë, pretendohet se mbrojnë marrëdhënie të mira me Prishtinën” – ishte shprehur ai, më tej.
“Unë mendoj se Kosova, nuk do të jetë më kurrë pjesë e Serbisë, qytetarët e Kosovës kanë përjetuar gjëra të vështira, nën regjimin e Milosheviçit…”, kishte theksuar, Walker.
VAZHDO TË LEXOSH MË TEPËR PËR TEMËN
Cakaj i revoltuar: Mohimi i Reçakut, akt kriminal!
Genocidi serb – krim kundër njerëzimit
