Ambasada amerikane në Shqipëri u bën thirrje të gjithë qytetarëve që të mos bien pre e mashtrimeve për marrje të vizës në këmbim të parave.
Përmes një postimi në rrjetet sociale Ambasada shkruan se shpesh kontaktohen nga individë të cilët kanë rënë viktima nga mashtrimet e vizave.
“Ne kontaktohemi vazhdimisht nga individë që kanë rënë viktima të mashtrimit të vizave. Mashtrimet zakonisht përfshijnë faqe interneti të rreme, adresa emaili dhe kërkesa për tarifa shtesë që duhet paguar për të marrë një vizë. Mos harroni, Departamenti i Shtetit nuk do t’ju kërkojë kurrë të transferoni para tek një individ apo organizatë tjetër për të marrë vizën tuaj. Informoni veten në mënyrë që të mos bëheni viktimë e një mashtrimi!”, thotë ambasada në një deklaratë.
VAZHDO TË LEXOSH MË TEPËR PËR TEMËN
