Ministri i Jashtëm i Rusisë Sergei Lavrov të hënën fajësoi Bashkimin Evropian për marrëdhëniet e saj të përkeqësuara me Rusinë dhe akuzoi bllokun për shkatërrimin sistematik të mekanizmave për bashkëpunim.
Lidhjet midis Rusisë dhe Perëndimit, tashmë në nivelet e ulëta të pas Luftës së Ftohtë, janë vënë nën presion lidhur me fatin e kritikut të Kremlinit Alexei Navalny, burgosja dhe trajtimi i të cilit nga Moska kanë rritur mundësinë e sanksioneve të mëtejshme ndaj Rusisë.
Javën e kaluar Lavrov tha se Moska do të ishte e gatshme të ndërpresë lidhjet me Bashkimin Evropian nëse blloku e vendos sanksione ekonomike, një deklaratë që Gjermania e përshkroi si zhgënjyese dhe të pakuptueshme.
Në bisedimet me ministrin e jashtëm të Finlandës të hënën, Lavrov ia hodhi fajin për gjendjen e keqe të lidhjeve Brukselit.
“Marrëdhëniet janë prishur vazhdimisht nga Bashkimi Evropian,” u citua Lavrov të thoshte nga agjencia e lajmeve RIA.
Presioni për sanksionet është rritur që kur Rusia “zemëroi” vendet evropiane këtë muaj duke dëbuar diplomatët gjermanë, polakë dhe suedezë pa informuar shefin e politikës së jashtme të BE-së, i cili ishte në Moskë për një vizitë në atë kohë.
Lavrov të hënën tha: “BE ka shkatërruar vazhdimisht të gjithë mekanizmat pa përjashtim.”
Sidoqoftë, ai tha, kjo nuk do të thoshte se Rusia do të tërhiqej nga marrëdhëniet e saj me vendet individuale anëtare.
“Mos e ngatërroni Evropën me Bashkimin Evropian. Kur bëhet fjalë për Evropën, ne nuk po shkojmë askund,” tha Lavrov. “Ne kemi shumë miq në Evropë.”
Përkthyer dhe përshtatur nga Reuters/ konica.al
VAZHDO TË LEXOSH MË TEPËR PËR TEMËN
A duhet të japë dorëheqjen edhe Von der Leyen?
