Bashkia e Shkodrës ka treguar situatën e përmbytjeve në territorin e saj, ku bën me dije se sipërfaqja e tokës së përmbytur është 3655 hektarë.
Hidrometrat në Dajç dhe liqenin e Shkodrës tregojnë se niveli i ujit është mbi kuotat maksimale, ndërsa paraqitet normale situata në lumin Drin.
Situata paraqitet problematike në fshatin Obot, pasi rruga shtë e pakalueshme me mjete të larta. Niveli i ujit mbi rrugë arrin rreth 100 cm.
Postimi I plotë:
Situata e përmbytjeve në territorin e Bashkisë Shkodër, data 06.02.2021, paradite
Nga monitorimi periodik në terren ditën e sotme datë 06.02.2021, paradite, situata e përmbytjeve në terren vazhdon të jetë si më poshtë:
- Hidrometri në Dajç në orën 08.30, shënon kuotën 6.65 m. (Kuota max 6.30 m). Në krahasim me raportimin e ditës së djeshme, kemi rritje të nivelit të ujit me 6 cm.
- Hidrometri i Liqenit të Shkodrës në orën 08.30, shënon kuotën 8.85 m. (Kuota max 8.70 m). Në krahasim me raportimin e ditës së djeshme, kemi rënie të nivelit të ujit me 3 cm.
- Hidrometri i lumit Drin në orën 08.30, shënon kuotën 7.20 m. (Kuota max 7.50 m). Në krahasim me raportimin e ditës së djeshme, kuotat janë të pandryshuara.
Bashkia Shkodër
Sipërfaqe totale e përmbytur 3655 Ha
1. Tokë e pakultivuar 735 Ha
2. Foragjere të dyta, jonxhe 2625 Ha
3. Grurë 160 Ha
4. Bimë Dekorative 92 Ha
5. Pemtore 40 Ha
6. Serra 3 Ha
Nj.A. Ana e Malit
1. Rruga e Obotit është e pakalueshme me mjete të larta. Niveli i ujit mbi rrugë arrin rreth 130 cm.
2. Në fshatin Obot ka prezencë uji në oborre 100 cm.
3. Ujësjellësi Oblika 1, si pasojë e përmbytjeve është jashtë funksionit.
4. UKSH Vazhdon të furnizojë me ujë të pijshëm banorët e fshatit Oblikë
5. Rruga e Goricës është e bllokuar, ka prezencë uji rreth 40 cm.
6. Sipërfaqja e tokës bujqësore e përmbytur vlerësohet në 1250 Ha, kryesisht në fshatrat Obot, Muriqan,Oblikë,Velinaj, Shtuf.
- Tokë e pakultivuar 220 Ha
- Foragjere të dyta, jonxhe 940 Ha
- Grurë 45 Ha
- Pemtore 35 Ha
- Bimë dekorative 7 Ha
- Serra 3 Ha
7. Shtëpi të përmbytura 2.
8. Në disa toka bujqësore niveli i ujit arrin në 2 – 2.5m.
9.Rrezikohet përmbytja e Ujësjellës Oblika 2.
Nj.A Dajç
1.Sipërfaqja e tokës bujqësore e përmbytur vlerësohet në 1550 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:
- Tokë e pakultivuar 310 Ha
- Foragjere të dyta, jonxhe 1060 Ha
- Grurë 95 Ha
- Bimë dekorative 85 Ha
2. Rruga që lidh fshatrat Shirq- Darrgjat është e bllokuar. Ka prezencë uji me mbi 100-130 cm
3. 121 shtëpi kanë prezencë uji në oborre.
4. Kemi prezencë ujit në rrugët e brëndshme të fshatrave Shirq dhe Mushan.
5. Ka prezencë uji 20 cm në rrugën Belaj- Pentar.
6. Në disa toka bujqësore niveli i ujit arrin në 2 m.
7. Rruga në lagjen Mazia-fshati Suka Dajç është e pakalueshme me mjete të ulëta.
Nj.A.Velipojë
Sipërfaqja e tokës bujqësore e përmbytur vlerësohet në 100 Ha, kryesisht fshatrat Baks i RI, Luarz. Ças.
- Tokë e pakultivuar 30 Ha
- Foragjere të dyta, jonxhe 70 Ha
Nj. A. Guri i Zi
Vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
Sipërfaqja e tokës bujqësore e përmbytur vlerësohet në 260 Ha, konkretesht në fshtrat Trush, Berdicë e Sipërme, Berdicë e Madhe.
Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
- Te pakultivuara 40 Ha
- Foragjere të dyta, jonxhe 200 Ha
- Grurë 20 Ha
Nj.A.Rrethina
Sipërfaqja e tokës bujqësore e përmbytur vlerësohet në 495 Ha, në fshatrat Zues (tokat në fushën e Oblikës), Shtoj i Vjeter, Shtoj i Ri dhe Dobraç
- Tokë e pakultivuar 135 Ha
- Foragjere të dyta, jonxhe 355 Ha
- Pemtore 5 Ha
-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “Përroit të kufirit” Muriqan në Nj.A Ana e Malit.
-Kërkohet mbështetje me bazë ushqimore për gjënë e gjallë (koncentrat) për NJ.A. Ana e Malit , Dajç dhe Rrethina për një sasi 500 ton.
