06.02.2021 - 18:50
Teuta mban hapin e rivalëve pas Javës së 18-të, teksa mposhti me rezultatin 1-0 Apoloninë. Ishte mbrojtësi Rustem Hoxha, heroi i “djemve të detit”, në këtë sfidë të zhvilluar në “Niko Dovana”.
Në minutën e 77-të, 29-vjeçari tundi rrjetën e Harizajt, duke i dhuruar 3 pikë të arta skuadrës së Edi Martinit, që u ngjit në vendin e 4-t në kuotën e 30 pikëve. Kjo ishte fitorja e 7-të në kampionat për Teutën dhe humbja e 10-të për Apoloninë që mban vendin e 8-të me 13 pikë.
Sfidën e radhës Teuta do e luajë sërish në shtëpi, kësaj here ndaj Skënderbeut, ndërkohë që fierakët e Kamaratës do të jenë mysafirë në Shkodër ndaj kryesuesve të Vllaznisë.
VAZHDO TË LEXOSH MË TEPËR PËR TEMËN
Kategoria Superiore, Java 18
Tirana e Partizani nuk falin, të kuqtë -6 pikë nga kreu
Kategoria Superiore, Java 18