Ka ndryshuar totalisht situata në Grupin A të Kategorisë së Parë. Kryesfida e javës së 17-të përfundoi me fitoren e Dinamos me rezultatin 2-0 ndaj Burrelit në stadiumin “Selman Stërmasi”.
Për skuadrën kryeqytetase realizuan Xhixhiua falë një gafe të mbrojtjes së Burrelit në minutën e 52′ dhe më pas dyfishimi i rezultatit erdhi pas 3 minutave, ekzaktësisht në minutën e 55′ me anë të brazilianit Uelber.
Me këtë triumf blutë parakalojnë Burrelin në klasifikim dhe marrin kreun në kuotën e 32 pikëve, ndërsa Burreli në kuotën e 31 pikëve në vendin e dytë. Vetëm 1 pikë më pak Korabi, që fitoi 1-0 në Shijak ndaj Erzenit. Pra, 3 skuadra në garë për vendin e parë.
GRUPI A
DINAMO 2-0 BURRELI
Xhixhiua 52′, Uelber 55′
ORIKU 2-0 BESËLIDHJA
Branica 64′, Çaushaj 72′
ERZENI 0-1 KORABI
Marku 18′
VELEÇIKU 1-2 PARTIZANI B
Bega 32′ / Bërdufi 60′, Klahos 73′
