Sipas rregullave të reja të FIFA-s, klubet nuk janë të detyruara këto kohë t’i lejojnë futbollistët e tyre për në kombëtaret përkatëse. Shqipëria dhe Kosova do të humbasin lojtarë për ndeshjet e përfaqësuesve të marsit pikërisht nga kjo.
Nëse zyrtarizohet vendimi që kanë marrë klubet franceze të dy kategorive të para, e pësojnë dy përfaqësueset shqiptare. Klubet nuk duan të lënë të largohen futbollistët për takimet e marsit nëse ata nuk i përkasin një vendi të BE.
Klubet në dy kategoritë e para të Francës kanë qarkulluar mes tyre për të firmosur një vendim i cili saktëson se asnjë nga lojtarët që nuk i përkasin kombëtareve vendeve të Bashkimit Europian, nuk do të lejohet të largohet në mars për të luajtur kualifikueset e Botërorit.
Kjo bëhet për shkak të situatës me COVID-19 dhe kufizimeve apo rregullave të karantinës që po aplikohen në vende të ndryshme. Në listën e Shqipërisë nga kampionati francez duhej të grumbullohej Qazim Laçi, i cili luan me Ajaccio në kategorinë e dytë franceze.
Ky është një futbollist i cili në të kaluarën ka luajtur me rregullsi në radhët e kuqezinjve e që do të ishte një problem më vete për Rejan, i cili ka humbur Abrashin për dëmtim e ka Gjasulën në një formë jo optimale. Ndërkohë, Kosova humbet Arbër Zenelin, Valon Berishën dhe Bersant Celinën.
VAZHDO TË LEXOSH MË TEPËR PËR TEMËN
“Zgjodha me zemër Shqipërinë, jo tradhti ndaj Zvicrës”
