Kosova i ka nisur me humbje eliminatoret për Botërorin “Katar 2022”, teksa është mposhtur në “Fadil Vokrri” na Suedia, me rezultatin 0-3. “Dardanët” e panë veten në disavantazh që në minutën e 12’, kur Augustinson kaloi në avantazh skuadrën e tij, pas një asisti të marrë nga Ibrahimoviç.
Ishte Isak që dyfishoi shifrat në minutën e 35’, duke shënuar përsëri pas një asisti të Ibrës. Në pjesën e dytë, Kosova u mundua të reagonte, duke krijuar disa raste, por përsëri golin e gjeti Suedia, teksa këtë herë, pas një prekje te topit me dorë në zonë nga Vojvoda, Larson shënoi të tretin nga penalltia.
Kosova e nis kështu me humbje eliminatoret, ndërsa Suedia regjistron fitoren e dytë në po kaq ndeshje, duke marrë kryesimin e grupit B. Kosova duhet të bëjë llogaritë me Gjeorgjinë për të shmangur vendin e fundit në grup.
VAZHDO TË LEXOSH MË TEPËR PËR TEMËN
