Mbrojtësi i Kombëtares shqiptare, Marash Kumbulla, është rikthyer stabël në formacionin e Romës, duke bërë ndeshje positive, sidomos në Europa League. Ai ka ditur të tregojë veten edhe në një skuadër të nivelit të lartë si Roma, mirëpo për mbrojtësin e kombëtares nuk ka qenë aspak i lehtë ambientimi.
Në një intervistë të fundit, 20-vjeçari shprehet se Roma ishte një botë tjetër, ndërsa shton se ai tashmë ka si objektiv të bëhet një nga më të mirët e skuadrës.
“Në fillim kisha vështirësi, qyteti është i madh. Edhe në Verona unë nuk jetoja në qendër, por në periferi. Ishte e gjitha një botë tjetër. Eksperienca e parë larg shtëpisë, hera e parë që ndryshoja skuadër. Ishte e komplikuar në fillim, por tani ndihem si në shtëpi.
Fonseca më ka bërë të rritem në përzgjedhjen e pozicionit. Nuk ka ndryshime shumë në aspektin mbrojtës, me Juriç mbroja një për një, ndërsa me Fonsecan vetëm në disa zona të fushës luajmë aahtu.
Unë jam i ri dhe kërkoj të jap maksimumin duke e ditur se mund të përmirësohem. Një nga ëndrrat e mia më të mëdha është që të bëhem një nga lojtarët më të mirë të Romës dhe ta ndihmojë të fitojë diçka”, – u shpreh Kumbulla.
VAZHDO TË LEXOSH MË TEPËR PËR TEMËN
I rritur te Bayern, pranon të luajë për Shqipërinë
Franca “bllok” lojtarëve, e pëson Shqipëria me Kosovën
