Dy të rinj janë arrestuar dhe një tjetër është shpallur në kërkim nga Policia e Beratit, pasi në automjetin e tyre mbanin lëndë narkotike e dyshuar hashash.
Mësohet se në pranga kanë rënë shtetasit E. M., 21 vjeç dhe X. M., 27 vjeç, të dy banues në lagjen Uznovë, Berat ndërsa, në kërkim është shtetasi E.L. Të rinjtë nuk iu bindën urdhërit të forcave blu për të ndaluar dhe mos sikur të mos mjaftonte me kaq, ata kanë goditur me automjetin e tyre makinën e Policisë.
Menjëherë patrulla u është vënë pas. Gjatë ndjekjes, efektivët e patrullës konstatuan se këta shtetas kanë hedhur nga mjeti i tyre lëndë narkotike cannabis sativa, e cila u sekuestrua në cilësinë e provës materiale.
Materialeti I kaluan Prokurorisë së Rrethit Gjyqësor Berat, për veprime të mëtejshme procedurale.
VAZHDO TË LEXOSH MË TEPËR PËR TEMËN
