Shqipëria do të luajë në fund të këtij muaji tri ndeshjet e para eliminatore të Botërorit. Kuqezinjtë do të grumbullohen disa ditë në Barcelonë, si vend i afërt me Andorrën, ku edhe do të luhet ndeshja e parë më 25 mars.
“Katër pyetje për “Edy Rejan” është një rubrikë e publikuar nga “Gazzetta dello Sport”. Trajneri i Kombëtares shqiptare ka treguar si e ka bindur Nedim Bajramin, si dhe çfarë i ka ofruar atij referuar ndeshjes me Anglinë. Ndër të tjera Reja, flet edhe se si do të ndryshojë Kombëtarja me mesfushorin e Empolit.
Çfarë lojtari është Bajrami?
Ka cilësi teknike të jashtëzakonshme, është i zoti që të driblojë një kundër një. Ka vetëm një defekt: Duhet të përmirësojë fazën mbrojtëse, pasi kur nuk e ka topin në zotërim, ai tenton që të tërhiqet nga loja. Në ditët e sotme, asnjë skuadër nuk mund t’i lejojë vetes që të ketë një lojtar i cili mendon vetëm për fazën sulmuese. Për të tjerat, është një vlerë e shtuar.
Si do të luajë ai te Shqipëria?
Ekzaktësisht si tek Empoli, trekuartist në skemën 3-4- 1-2 me një liri të madhe hapësire. Sepse është i jashtëzakonshëm nëse ka fushë përpara. Në Kombëtaren shqiptare më mungon një lojtar me karakteristikat e tij, një i aftë për të krijuar superioritet numerik për të kthyer ndeshjen.
Çfarë i keni thënë?
Unë i kam shpjeguar atij se mund të kthehet në një pikë referimi për një kombëtare që ka entuziazëm, ka ambicie dhe që është rritur një ligë më sipër në Ligën e Kombeve. Kemi folur më shumë se një herë dhe jam i kënaqur që ka pranuar. Shpresojmë që të mos ketë probleme për të marrë pasaportën shqiptare në kohë. Na nevojitet menjëherë. Në prag të nisjes së kualifikueseve për Botërorin “Katar 2022”.
Çfarë mundësish keni?
Mund të shkonin më mirë, pasi është një grup i vështirë. Do të debutojmë në Andorrë dhe më pas luajmë ndaj Anglisë në shtëpi. Një ndeshje që Bajrami do të donte që ta luante. Kështu që janë skuadra të forta, si Polonia dhe Hungaria.
VAZHDO TË LEXOSH MË TEPËR PËR TEMËN
Reja: Më shumë kam frikë Andorrën se Anglinë
Kalendari i ndeshjeve të Shqipërisë për “Qatar 2020”
