14.03.2021 - 18:59
Të tjera detaje janë zbardhur për ngjarjen, ku një i ri me Covid u hodh nga kati i tretë i spitalit të Elbasanit. Burime bëjnë të ditur se 26-vjeçari me iniciale H.P po kurohej në banesën e tij, por kishte shkuar në spital me të atin për të bërë analizat.
Për një moment ai i ka ikur të atit nga vëmendja dhe është hedhur nga kati i trete i spitalit.
Ndërkohë mësohet se gjendja e tij shëndetësore është kritike.
Hedhja nga lartësitë e spitaleve të të sëmurëve me koronavirus është kthyer në fenomen shqetësues. Në Tiranë pesë persona kanë humbur jetën pasi janë hedhur nga dy spitalet Covid. Ministria e Shëndetësisë raportoi sot se qyteti i Elbasanit në 24 orët e fundit ka pasur 7 raste me covid, ndërsa një person ka humbur jetën.
VAZHDO TË LEXOSH MË TEPËR PËR TEMËN
Si paraqitet gjendja e tij shëndetësore?
