12.04.2021 - 18:00
Kosova do të sigurojë 100,620 doza të vaksinës Pfizer/BioNTech kundër koronavirusit deri në fund të qershorit.
Lajmi u bë me dije nga programi COVAX i Organizatës Botërore të Shëndetësisë, i cili synon shpërndarjen e drejtë të vaksinave edhe në vendet në zhvillim.
COVAX publikoi të hënën një listë me 146 vende të botës, ku ka shpërndarë dhe pritet të shpërndajë vaksina kundër koronavirusit, raporton REL.
Kosova, në fund të muajit të kaluar ka marrë 24,000 doza të vaksinës AstraZeneca, përmes COVAX-it.
