Komisioneri Shtetëror i Zgjedhjeve, Ilrijan Celibashi ka deklaruar se aplikacioni i marrjes së të dhënave në KQZ është sulmuar, duke penguar edhe punën për raportimin e të dhënave. Në një deklaratë për mediat, Celibashi bëri të ditur se ka edhe një plan B, duke përdorur një aplikacion tjetër.
Celibashi bëri të ditur se deri tani kanë raportuar 65 qendra votimi dhe sipas tij, ky numër i pakët është për shkak të sulmit.
“Dua të sqaroj dy momente, njëra është informacion. Numri 65 nga 5199 QV është ato që kanë raportuar. Pra në cdo rast numri i QV është ajo QV që ka raportuar. Pjesëmarrja është mbi bazë të atyre qendrave të votimit që janë raportuar.
Kemi një numër të vogël qendrash votimi, për faktin se aplikacioni i KQZ është sulmuar pak më parë dhe po punohet për ta zgjidhur. Nëse nuk zgjidhjet kemi një plan B për të përditësuar të dhënat.
Kjo e dhënë që merret nga pajisja dërgohet në KQZ dhe bëhet përpunimi. Pra teorikisht, jo më pak se 2500 operatorë raportojnë mbi pjesëmarrjen. Por prej një ore nuk po e marrim këtë informacion sepse aplikacioni është sulmuar.
Ka qendra votimi që raportojnë rregullisht, por ka edhe qendra që nuk raportojnë. Fakti që ato nuk kanë raportuar, nuk do të thotë se nuk kanë votuar.
Nuk ka asnjë qendër votimi që është bllokuar procesi i votimit, por ka herë pas herë problematika”, u shpreh Celibashi.
VAZHDO TË LEXOSH MË TEPËR PËR TEMËN
