Kreu i Partisë Demokratike, Lulzim Basha votoi sot pak para orës 9 në qendrën e votimit 1929 pranë çerdhes nr.13, Rr. Demir Gashi, Njësia 8.
Në hyrje të qendrës së votimit, Basha takoi me grusht një grup qytetarësh, e mediat të cilave u uroi një ditë të mbarë.
Basha ishte i shoqëruar me votues për herë te parë.
Në mesazhin e tij për mediat, kryedemokrati bëri thirrje për shqiptarët që sot të dalin e tëvotojnë masivisht.
“Sot është një ditë e mrekullueshme për vendin tonë, ditë historike, dita kur të gjithë ne kemi fuqinë në dorën tonë, të gjithë shqiptarët, të gjithë ju keni në duar fuqinë tuaj për fëmijet tuaj , familjen, vendin, kombin.
Sot është dita të dilni e të votoni masivisht, të bëni me votën tuaj të mundur të ardhmen që dëshironi.
Sot është dita e Shqipërisë, e demokracisë, dilni masivisht votoni.
Jam i lumtur që votën time e kam hedhur sot në praninë e votuesve për herë të parë në lagjen ku kam lindur e jam rritur, i bëj thirrje cdo vajze e djali, dilni votoni masivisht. Zoti e bekoftë Shqipërinë”.
VAZHDO TË LEXOSH MË TEPËR PËR TEMËN
