Departamenti i shtetit i SH.B.A.-së thotë se lëvizja është pjesë e fushatës së vazhdueshme për destabilizimin e Ukrainës mes shtimit të trupave ruse në rajon.
Departamenti i Shtetit i SHBA ka quajtur si një “përshkallëzim të paprovokuar” për planet ruse për të bllokuar pjesë të Detit të Zi, i cili në fund të fundit mund të ndikojë në hyrjen në portet e Ukrainës mes tensioneve të rritura mbi manovrat ushtarake të Moskës.
SHBA dhe aleatët e saj evropianë kanë shprehur shqetësime në lidhje me ndërtimin ushtarak të Rusisë në javët e fundit dhe kanë frikë se Moska mund të planifikojë të pushtojë Ukrainën.
Rusia, e cila mbështet separatistët në Ukrainën lindore, aneksoi Krimenë në 2014.
Media shtetërore ruse ka raportuar se Moska synon të mbyllë pjesë të Detit të Zi për anijet e huaja ushtarake dhe zyrtare për gjashtë muaj, gjë që mund të ndikojë në hyrjen në portet e Ukrainës në Detin e Azov, i cili është i lidhur me Detin e Zi përmes ngushticës Kerch.
Të martën, më shumë se 20 anije luftarake ruse morën pjesë në stërvitje ushtarake në Detin e Zi, njoftoi agjencia e lajmeve Interfax, duke cituar një deklaratë nga flota ruse e Detit të Zi.
Rusia ka kufizuar përkohësisht lëvizjen e anijeve të huaja luftarake dhe ato që ajo i quajti “anije të tjera shtetërore” pranë Krimesë.
“Kjo përfaqëson edhe një përshkallëzim tjetër të paprovokuar në fushatën e vazhdueshme të Moskës për të minuar dhe destabilizuar Ukrainën,” tha zëdhënësi i Departamentit të Shtetit Ned Price në një deklaratë.
“Ky zhvillim është veçanërisht shqetësues mes raporteve të besueshme të grumbullimit të trupave ruse në Krime të okupuar dhe rreth kufijve të Ukrainës, tani në nivele që nuk janë parë që nga pushtimi i Rusisë në 2014,” shtoi ai.
Sanksionet
Javën e kaluar, Uashingtoni caktoi sanksionet ndaj Rusisë dhe dëboi ambasadorët e saj për ndërhyrjen e Moskës në zgjedhjet presidenciale të SHBA të vitit të kaluar, hakerat kibernetike, ngacmimi i Ukrainës dhe veprime të tjera të pretenduara si “malinje”.
Ditë më vonë, Rusia dëboi diplomatët amerikanë si shenjë kundërpërgjigjeje ndaj sanksioneve nga ana e SHBA-së.
Ukraina dhe Rusia kanë shkëmbyer fajin për një rritje të dhunës në konfliktin në Ukrainën lindore, ku trupat ukrainase kanë luftuar forcat separatiste të mbështetura nga Rusia në një konflikt që Kiev thotë se ka vrarë 14.000 njerëz që nga viti 2014.
Administrata Federale e Aviacionit e SHBA u bëri thirrje linjave ajrore të tregojnë “kujdes ekstrem” kur fluturojnë pranë kufirit Ukrainë-Rusi, duke përmendur rreziqet e mundshme të sigurisë së fluturimit.
Diplomati i lartë i BE Josep Borrell tha të hënën se më shumë se 100.000 trupa ruse janë grumbulluar në kufirin e Ukrainës dhe në Krimenë e aneksuar.
Ai tha se për momentin nuk ishin planifikuar sanksione të reja ekonomike ose dëbime të diplomatëve rusë.
Ministri i Jashtëm ukrainas Dmytro Kuleba, pasi iu drejtua ministrave të jashtëm të BE, i bëri thirrje BE të vendosë sanksione të reja ndaj Rusisë.
Përkthyer dhe përshtatur nga Al Jazeera/ F.H Konica.al
VAZHDO TË LEXOSH MË TEPËR PËR TEMËN
