Pas deklaratave nga eksponentë të lartë të PD se nuk do të njihen zgjedhjet e 25 prillit, kryetari i Partisë Demokratike Lulzim Basha ka dhënë një sinjal nëse do të shkojë apo jo opozita në Parlament.
I pyetur sot nga mediat nëse PD betejën do ta bëjë në Parlament, Basha nuk e përjashtoi këtë mundësi, duke theksuar se beteja e opozitës do të jetë në të gjitha frontet dhe me të gjitha mundësitë që ekzistojnë.
“A mund të pranojë Shqipëria që nga njëra anë sot mban me krenari trashëgiminë e anëtarësimit në NATO gjatë kohës që qeveriste PD në këtë ushtrim të paprecedentë ushrtarak e nga ana tjetër shkatërron themelet e demokracisë?
Viktimat e masakrtës elektorale janë qytetarët shqiptarë, detyra jonë, është të qëndrojmë fort e të luftojmë fort për rikthimin e demokracisë në vend i cili është një nga kushtet kryesore që bëri të mundur anëtarësimin e Shqipërisë në NATO e kusht i patejkalueshëm për të avancuar drejt asaj që kemi premtuar e do bëjmë realitet bashkë me gjithë shqiptarët, anëtarësimin e Shqipërisë në BE”.
Pyetje: A do e bëni këtë betejë në Parlament?
Basha: Kjo betejë do bëhet në të gjitha frontet, mënyrat e mundësitë që ekzistojnë, e përfundimi i saj do jetë i qartë: rrëzimi i rregjimit Rama-Doshi-Rakipi e kthimi i Shqipërisë shqiptarëve.
VAZHDO TË LEXOSH MË TEPËR PËR TEMËN
Vëzhguesit ndërkombëtarë u njohën me faktet për blerjen e votës!
Porositë e Lulzim Bashës për kryetarët e degëve
