Fjoralba Ponari është një ndër personazhet më të dashur të ekranit shqiptar. Hapat e parë drejt karrierës i ngjiti në spektaklin e talenteve “The Voice”, për t’u bërë më pas një ndër figurat më të suksesshme të televizionit. Moderatorja është treguar gjithmonë shumë e rezervuar për jetën e saj personale.
Mirëpo, së fundmi ajo ka ndarë me ndjekësit se në periudha të ndryshme është përballur me problemet e shëndetit mendor ndërsa vë theksin tek nevoja për të kërkuar ndihmë. “Po, nga të gjitha edhe pse në periudha të ndryshme të jetës.
Është me shumë rëndësi të kesh mbështetjen si bashkëudhëtare, të njerëzve të tu më të rëndësishëm në luftën me secilën prej atyre që ke përmendur.Nëse nuk ke besim te njerëzit që ke afër, kërko ndihmë te një profesionist, më besooo është shumë e rëndësishme të ndash atë që po kalon me dikë tjetër, çfarëdo qoftë ajo që po ndjen”, shkruan Fjoralba.
